كلمات حبك جرى في شراييني

حبك جرى في شرايينـي
ولعماق لك منزل وديرة
يا غايتي يـا نظر عينـي
يا الله عسى ما جرى خيرة
من بعدكم من يسليني
ما لي سـوى الهـم والحيـرة
يا سيـد كل المظانينـي
صفوي قلب عقب تعكيـره
محدن بقى لي يراعيني
وأصبحت لأهل العذل سيرة
في عـزة النـوم يدعينـي
صوتك ومـا حولنـا غيــره
من زود همي وما فيني
حتى الدجى بان تقديره
لا مر طيفك ينادينـي
لأجل الوفـى مقدر الجيـرة
وانته بلا أسباب تجفيني
يا طـب جرحـي وتخـديره
إن كان يرضيك تنفيني
بقـرار قـد صيغ تعبيره
ما أبيك ترجع وترضيني
لأن العقل ضـاع تفكيره
نسيت ما حفت سنيني
يا مـن قتلني بمعاذيـره
وش حيلتي لو تواسيني
مجنون قد ضاع تدبيره
سم الهجر قام يدنيني
لا سامـح الحـب ونـذيره
بنساك وأرجوك تنسيني
ما عاد لي في الهوى خيره