| طلت من النافذه وأشرق محياها | مع طلعة الشمس طلت شمس خلاني |
| شمس السما كيف شمس الأرض تنساها | تلاقت أنوارهم يوم الله أشقاني |
| الأوله من بروج الشرق مبداها | والثانيه قابلت فالمشرق الثاني ! |
| والله لو الشمس تدري ماتحداها | مصدر شعاع الجمال وبنت شجعاني |
| في سيرة العشق طاريها وذكراها | وفي سيرة المجد (جد) و(سيف)وحصاني |
| محلا صباحٍ يقربها ومحلاها | لو شوفها حرك الوجدان و أضماني |
| في لحظةٍ تنكسر كبدي على ماها | ياليت برق الحيا اللي شفته أسقاني |
| مجنونة الحب ، والمجنون يهواها ! | وليا نصحته يبادرني بعصياني |
| أحلى جميع الدرر فالكون وأغلاها | خلتني آجاذب الونات ، حيراني |
| وأعزف لهاالقاف وأنامن ضحياها | وأشره على الشعر والمعنىوالالحاني |
| عامين والقلب متعلق برجواها | يصلاني القيض والوسم يتعداني |
| أهيم وأتبع هواجيسي ومسراها | في ليل همي وحسراتي وحرماني |
| حطيتها وسط قلبي رغم فرقاها | وصارت على البعد تامرني وتنهاني |
| واليوم مدري بختها وين وداها | ولاهيب تدري نصيبي وين وداني |
| مكتوب يمضي عليها كل ماجاها | ومكتوب يمضي عليّه كل ماجاني |
الوسومكلمات شيلة مجنونة الحب
عن دليلي
شاهد أيضاً
كلمات شيلة علمو طهران يحذر من زعلنا
علموا طهران يحذر من زعلنا’ قبل لا يصبح ضحية لسباعي’ رفرفي بالعز ياراية وطنا ‘ …