يا سعود العلي عذبني .. ملهوف الحشى وأتعبني
واغبني علية واغبني .. من غير جميع أرقامه
صده ما عرفت أسبابه .. واللي ما حسبت حسابه
غير رقمه وواتسابه .. وسنابه مع أستقرامه
هجره خنجر في كبدي .. واوجدي علية واوجدي
وجد المستاهم بنجدي .. لاهبت عليه إنسامه
ناراً تسطلي في جوفي .. وأن طال الجفى يا خوفي
إن ما شفتها أفقد شوفي .. والمغرم تروح أيامه
ما شفته حوالي حولي .. مالي حيله ولا حولي
خذني للمطار الدولي .. والمشتاق شد حزامه
حولني بصالة هثرو .. واركب باصها والمترو
ياللي مادريتوا فادروا .. عاشق لعنبوا من لامه
وص الناس فرداً فرداً .. يا من عينه في لندن
قله لو فؤادي معدن .. ذاب من الجفاء من عامة
