كلمات شيلة الخوف واضح

الخوف واضح في كلامي وعيني
اشوفه بـ عينك قبل ما اسمع حكاك
نخاف بس الفرق.. بينك وبيني
تخاف تذكرني وانا خايف انساك!
لكن على أية حال ما عاد فيني
اضحك على نفسي وابرر خطاياك
الى متى.. وانا بكذب يقيني
العمر مرة.. فيك ولا بلياك!
لا صار قلبك ما قدر يحتويني
حرام.. احبك واتبعك واتمناك!
يكفيني من الصدق رعشة يديني
ويكفيني من الحب طيفك وذكراك!
اوعدني تنساني بزيني وشيني
وانا اوعدك لو ما نسيت اتناساك!
وان ذكروك بـ لهفتي وبـ حنيني
تذكر اني قلت.. إياني واياك!
حتى لو ودك تجي.. لا تجيني
ضيعت ما يكفي من العمر وياك!
محتاج اعيش اللي بقى من سنيني
ما افكر بوصلك ولا اخاف فرقاك!