كلمات هاي هاي

ياداهية جيلك اشوفك بوح شعري ومحتواه
يام الترف ياقبلة الايام يالزين الغزير

ياجمل حدث في دنيتي يامغيره طعم الحياه
يالذ واحلا من عرفت القلب في حبك اسير

زينك متاهت فكر يمشي بي مع كل اتجاه
بنات فكري تستضيق بوسط راسي المستدير

ادري حلاها فوق فوق وهاي هاي ابمستواه
وان البنات اتغار من خلخالها وريح العبير

ماتعترف من طيبها ابمكياج وتخصير العباه
امثال منهي ابكل سوق تثير وعيت لا تثير

احبها وحبي لها ماوصفه وصف الرواه
ولا وصفه شعر الفرزدق والملوح مع جرير

من فلسفه او عولمه والعلم يوصل منتهاه
اميرتي راحة يديها كانها قطعة حرير

في عينها اليمنه اشوف امال وكفاح ونجاه
وفي عينها اليسرا اشوف الدم والسيف الشطير

ياروح روحي يامنى قلبي ويامركز غلاه
استاذنج ربط الحزام ابجوي الصافي ابنطير

واستمتعي بجوا القصيد اللي يداعبني هواه
يام الترف ياقبلة الايام يالزين الغزير