مجلة دليلي
ليتني من قبل اشوفك عن الشوف محروم
وليتني ما غصت في بحر حبك والهيام
وليتني ما طعت قلبي ولا وصرت محكوم
تحت سلطة حبك وراجياً منك الوئام
كان ما هليت دمعي ولاجيت الرجوم
كان ما جاوبت في صوتي اصوات الحمام
والهموم اللي بقلبي تزايد كل يوم
والجروح اللي بقلبي ماترضى الالتئام
من سبب شوقك وفرقاك يالحب الظلوم
ياحبيبٍ مالك القلب له عدة عوام
الوفا والوصل يا معذبي منك معدوم
والجفا والصد منك مع كثر الخصام
ما حشمت اللي يبي يشري اوصالك جزوم
يوم ورّد لك اركابه وعادن له حيام
اتقوا بالأمل …. بس … قلن العزوم
وارتخى عزمي وانا كان لي عزمٍ تمام
لكن اسمع يا أول الناس بالقلب محشوم
يا اخر احزانه وياخر بشر فيه استهام
عزتي تفرض عليّ ارفض الذله واشوم
من هواك ومن غرابيل شوقك والغرام
بالشريعة والتقاليد وبكل السلوم
غبنة الرجال يا صاحبي فعلٍ حرام
