كلمات شيلة تبلاني

والله ان البعد وله جرحا مكين
كن يوقد بين الاضلاع نارا تسطلي
جعل الليالي ومقبلة السنين
تجبره بظروفه القشر وترده علي
لا زلت اتذكر اياما عشتها واياه
الي ذلحين لازلت في ذاكرتي ووجداني
اسامر طيفة العابر عساه يجيب لي طرياه
وادوي معه في ليل الغرام وعذب الالحاني
على لحن الجنوب لحون يام مستحيل انساه
يداعب مسمعي ويهيض اشجاني ويشعاني
على نجران يسري هاجسي بي محتوي ذكراه
لو ان ماني من اهل المملكه وماني بنجراني
ديار ربوعي اهل الطيب واهل العز واهل الجاه
لنا مجدا سواة الجدي وسهيل ليا باني
عسى صوت المغني يشعفه ويهيضه بغناه
وليفا تل قلبي واسرف بحبه وعناني
ملك مابي من اشعار الغزل معنى وما يحواه
وصار اغلى الخلايق في عيوني قاصي وداني
عديم الشكل ماله في الوصايف ند ولا اشباه
ليا من هبه الغربي تثنى عود رياني
صغير السن طاغي حسن يسحرني بزين حكاه
والى مني شبحته تهت كني بعالم ثاني
انا في جاه ربه قبل لا ينويني بفرقاه
لاينسى بانه اول شخص في حبه تبلاني