مجلة دليلي
ابيك اتقولي وش السبب ؟
ابي وش غيّر الغالي علي
ترا اللي قالت عني جذب
حياتي لا تكدر يا هلي
سواد العين مع طول الهدب
على زولٍ طويل امعزلي
ثناياه كنهن لو الذهب
ذبحني بالوصوف امكملي
عريب الجد معروف النسب
عليه اشقر طويل امجدلي
نعيم العود لي عندك طلب
ابيك اتعود لي مثل اولي
ترا صدك ذبحني بالتعب
متى تنوي واشوفك مقبلي
بلا هم وبلا حقد و غضب
على نفسي تراك اموكلي
تبع دربي ولد هاك العرب
ولا قلبي صغير امدللي
يلوموني قليلين الادب
واثر بعض الحريم امهبلي
سمعتك لين كملت العتب
واعرفك زين كان الند لي
حرام الهجر كان انك تحب
لزومٍ عن حبيبك تسألي
هلا عد الهبوب اللي يهب
هلابك ياهلابك يا هلي
