في إحدى أزقة مدينة الرياض الجميله ! .. قريباّ من أحد الشركات المعروفه
حدث هذا المشهد الذي هز كيان منفوحه والشميسي وما جاورها من الحواري العتيده
هذا المشهد المعبر عن ما فيه من أسى وحزن وامتعاض
نترككم مع المشهد ومن بعدها لنا عوده بالقصه الكامله …!!
جهيلان (مفصخ هافه وقاعد ينقف ويهوي على عمره من الحر والسموم الي ذبحته !! .. ويصيح بكل ما اوتي من قوه وهو يقول
يا نويصر انا والله ما اقدر اتحمل اعيش عيشتكم ذي ياخوي ..!!
نويصر: صدقني تقدر تعيش انت بس تمالك نفسك !! ههههه وش عنده الي كان عايش بالمدينه الفاضله ؟!
بس ما قلت لي وش فيها عيشتنا هالي قاعد تحلطم عشانها من اليوم ..؟
جهيلان : ياخوي كلها حسد وحقد ونصب وقلة حيا وكل شي مقزز فيها !! ..
يفرقون بين الناس .. واحد يقدرونه لانه ولد نعمه وولد فلان … وشخص يحتقرونه لانه يشوفون انه ضعيف ولا منه فايدهـ…!!
نويصر: طيب يا جهيلان اجلس لو شوي بتتعود ؟؟
عاد هنا قفلت مع جهيلان على نويصر وقام بالتفل في خشته تلك التفله التي تربعت في جبهتهـ وسالت سيلان الانهار على كامل وجههـ حتى اني سميتها من قوتها ((تفلة الغضب)).. .
جهيلان… ياخوووي كل تبن لا تنجلد !! .. وش الي اتعود حسيت انك تكلمني عن ليلة الدخله وتحاول تهديني عشان اقدر اتفاهم مع عروستي !! … وشو اتعود وما اتعود ؟ .. تبيني اتعود على الكذب والحسد والقلق ولعنة الجدف !! .. ياخوي كل تبن وديرتكم ذي مابيها ولاابي منكم شي خلوني بالكهف حقي ازين لي من هالعيشه الي انتم عايشينها
هكـذا تم المشهد الاخير من حكاية جهيلان ونهايته المأساويه المفعمه بالغضب من وضعنا كوكبنا البائخ والمزري والذي يعتبر ازرى واشد مرارتاً من وضع اوباما ازاء قافلة الحريه مدري السلام والموقف البائخ برضه الي حطته اسرائيل فيه امام المجتمع الدولي
والآن ……………
عشان تعرفون قصة جهيلان وإذا كنتم للحين صاملين في أنكم تكملون الموضوع .. ما عليكم سوى إنكم تحطون هلل لكي تستمر بمتابعة القصه … وشوفو مكينة الهلل تحت وكل واحد يحط الهلل حقه وترانا كافشين حركاتكم عشان كذا احتياطاً حاطين كاميرات لاتزرفونا وحنا ياغافلين لكم الله
في تاريخ 2010 الموافق 22 مايو
على هاك الايام الانتر جاب بطولة اوروبا ..
وقتها لا تسعني الدنيا من الفرحه.. فـ دقيت على صديقي والأنتيم تبعي .. والي اذا صرت فاضي دقيت عليه وكشتنا على سيارته يعني مخليه استبنه ووقت الفضاوه بس…..!!
واقترحت اننا نكشت كشته جميله بكره بالليل نتسامر فيها ونحكي عن افضل لحظات النهائي وفرحة لاعبين الانتر .. ونتبادل اطراف الحديث … وركزوا اني قلت اطراف الحديث بس …!!
قال نويصر كعادته الي ما يرفض لي طلب مع انه مقتنع اني معتبره استبنه
قدااامـ.. بس على الساعه 4 العصر تجهز !! .. قلت ولا يهمك
قال اصبر دقيقه وش عليك انت من اغراض الكشته …!!
قفلت معي بوقتها يلعن اوم القهر ما بقى الا هالزلابه يقول لي جب وجب والله يخسى .. هو ووجهه الي كأنه اظفر قروي مقشوع لاعبن به التراب لين اختلط الوصخ بالظفر …!
قفلت الخط بوجهه و فهمها هو ان كل شي عليه وانه زلابه كالعادهـ ولازم يرضخ للامر الواقع
جت الساعه 4 العصر وانا متجهز
وفعلا كان الاستبنه على الموعد لأني وبذهانتي اللامعهوده سمعت بوري عند الباب وقلت بخاطري هذا اكيد نويصر جا < اتعبتهم بذكائك الخارق !! .. مشينا انا ونويصر للمكان الي بنكشت فيه ظبطنا عزبتنا اقصد عزبته لان كل الششغل عليه وانا مالي الا اني اجلس رجل على رجل
المشكله وانا قاعد حسيت اني حسران وقلت لنويصر الفزعه ياولد !! انت امسك الشغل انا بروح اقضي حاجتي قال اوخص يالي شايل الشغل على كتفه … عاد رحت وشفت لي قشعه او بالاحرى شجرة اثل ولقيت مكان رهيب تحتها تقدر تتفصخ وتسوي السحبه ولا احد درى عنك…
جلست هناك او تبون الصدق وقفت لاني دايم لازم اخذ حساب الهوا عشان ما يتوصخ السروال (والله السالفه الي تحوم الكبد بعد ! ) خخخ الا على طاري واقف عادي اقضي حاجتي وانا واقف ؟ <<< اخلص الله ابو شطحاتك يالسقيم..!
بديت استمتع بأحلى لحظات حياتي وقعدت افكر ببنت جيراننا وجمالها ..<<< ما لقيت انك تتذكرها الا بهاللحظه ..؟.,,,
وافكر وشلون اشبكها واقول بنفسي ان حركاتي القديمه مب زينه اجل فيه واحد يطب من السطح على راسه عشان يضحك بنت جيرانهم..؟
.. صح انه ما يجين شي بس وين يبوو الحين راسي قوة الورم الي فيه ذيك المره اخوي مسك راسي وركبني بدال كفرهـ المبنشر يحسبني استبنته الضايعه …!!
قاطع تفكيري الجميل صوت نشآآز قريب لصوت الضفدع. .. يقول هيه يبوووووو التفت يمين ويسار ولا فيه شي رجع هالصوت مره ثانيه قائلاّ يا اخووي وخرر.. .!!
قلت يا اخوي كل تبن وبعدين لا تقعد تتفرج وانا متفصخ .
شوي وتحركت الشجره انا انهبلت وسكرت السحاب
رحت اتمشى ادور الي يصرخ ذا ولقيت حفره قدامي رحت بشوف وش فيها والقى فيها قطن وشعر انا قلت هالمنظر هذا مألوف.. …. وقتها اكتشفت ان الحفره هذي سر الي قاعد يصرخ علي …!!
تأملت بوجهه واتأمل بخلقة ربي وشلون خلق هالمخلوق واسبح واهلل واستغفر …
قسم يا عليه وجهـ…. احس انه كان دمنه بعير بس مع الوقت بدت تطلع لها رجلين ويدين واخر ما طلع الوجهـ !! لانه قبيح الى درجة اني اذا لمست وجهه ينقض وضوئي ..
فيه دمامة الى حد انه فيه منافسه بينه وبين مستنقعات الوادي المتصدع من قو مافي وجهه من شين…!!
في هاللحظه خش نويصر بالسالفه يوم شاف هالمخلوق اغمى عليه .. اخذت نويصر وسدحته على جنب لأن مهوب وقته يسوي فيها كيوت وما يتحمل مناظر بشعه !!
وقعدنا نسولف انا ورجل الكهف ذا
سالته وش اسمك !! .. قال معك جهيلان .. جاوبته وانا احاول ان اخفي ملامح خشتي الضاحكه عاشت الاسامي ياجهيلان . فسالني وانت وش ينادونك .؟ قلت رسـام داشـر , قال اها ارسم وجهي طيب…!!.. ناظرته باستحقار ولسان حالي يقول وين ملامحك عشان ارسمك قسم يا انت بدون ملامح انا بسألك وكل جواب عليه جائزهـ اول سؤال وين خشمك…؟.. ويغز على مكان حساس .. انا احسبه يستهبل شوي واسمع الي يعاطس تحت وانزل راسي واشوف شي يتحرك ويعاطس .. وانا الي اقمط واقول تراها مسابقه وديه لاتشيل همها .!
الرجال غبي غبي الى ابعد درجهـ حتى اني يوم جبت السياره عشان اركبه واسولف معهـ !! اول ما شاف السياره قعد يلمسها من تحت قلت وش تسوي … قال بشوف ذكر ولا انثى .. واجي ادعس رجلي بأثمه واقوله اركب اركب لا اشوتك …!!
ركب ولا زال مسلسل الفهاوه مستمر يتلفت يمين ويسار ويناظر وش هالدنيا وش هالعالم الغريب !! .. علمته وش السالفه وانها سياره يعني مكينه عاديه ومن هالكلام ما اقتنع بس مهوب بكيفه
قام نويصر من الدوخه ونط في وجه رجل الكهف جهيلان وقعد يتحسس في مناخره ويقول يلعن يومك ورا ما تأجر مناخرك على الناس قسم بالله ان تكسب !! اقلب مناخرك شاليه وحط فيها مسبح وانتهينا وغير كذا المساحه تساعد والله..!!
جهيلان راح يشوف وجهه بالمرايه والتفت على نويصر يقول له معجبك وجهك يوم تتكلم. ..والله اني يوم شفت وجهي حسيت اني ملك جمال عندك يا وجه الضفدع…
ياخي استح على وجهك تخوف خلق الله بوجهك استح عيب والله عيب شف ام رسـام دايم تخوف اخوه تقول له نم ولا والله لا انادي عليك نويصر يجي اخو رسام يصيح ويقول لا ما اتفقنا سوي اي شي الا نويصر محنب فاضين قرود…!!
قفلت معي انا ووجهت كلامي لجهيلان وسفهت نويصر…
جهيلان يالله كلمنا عن ديرتكم ….!!قال ايــــــــه يا رسـام !!!!
تنهد وواضح انه معاني الكثير من بلادهـ… !
وش فيك يا جهيلان..؟بدا تدمع عيونه وقال لي ياخي بقولك العذاب الي حنا عايشين فيهـ ..!
يا رسـام اول شي علينا جو يصلخ صلخ وعلينا ناس يا اخوي متخلفين … همست بصوت خفيف:: طالع منها يالقرد …!!.. شاف وجهي وقال تراك منتب بعيد عن خويك الضفدع الي ورا… ؟؟
يا رسـام لا سياحه عندنا ولا تنظيم ولا تقدير للمواطن المسمى بـ (رجل الكهف)
سألته انت ساكن بكهف…؟.. جاوبني : ايه
وقتها اكتشفت انه بالاصل رجل كهف..!!
يا رسـام والله عيشه ما تنطاق يعني وش بقوا فينا الجو صح انه من ربي… بس ياخي لا تنظيم ولا تقدير للمواطن ولا يحترمونه وتخلف غير طبيعي عندنا حوسه مب طبيعيه ولا سياحه …
المشكله فيه اماكن حلوه للسياحه بس المشكله كل شي عوايل يعني والله طفشنا ولازم نشوف حل …!!.. يعني والله كأنهم ما يبوننا…!!
انا وقتها مسحت خشمي مع نشقه حريريه لاني تأثرت بالمشهد وهو قاعد يصيح ….!!.. وجت فوق راسي فقاعه قلت بشوف وش هالفقاعه يمكن فيها حل .. فتحتها ولقيت واحد يقول جبه معك للرياض والله مشروع استثمار هالغبي …!! انا قلت له يا جهيلان وش رايك تخاوين للرياض…!!
قال وشي الرياض قلت مدينه يحبها قلبك فيها كل شي فرق عن ديرتكم المخيسه .. قال مشينا وش ورانا …!!.
في تلك الاثناء فقدت نويصر والتفت ولا اشوف الا اثم نويصر وشلالات السعابيل تنساب بحركه انسيابيه من اثمه المليان بالجراثيم…
التفت عليه واعطيته كوع ملعون صلايب عشان يصحى .
قام ووقف الشلالات الي صايره وقلت له لا تنام محنب فاضين نروح نغسل السياره عشان سعابيلك…!
