أحيانا تدفعنا الظروف مضطرين للسير فى طريق كان علينا فى الأصل اتيانه اختيارا …
يعنى أحيانا يكون هناك أمامك طريق
المفروض انك تسير فيه …وترفض إنك تأتيه.. ! و هذا اختيارك!
ويُعرض عليك ألف مرة وترفض إنك تأتيه !
وبعد هذا تضطر أن تأتى هذا الطريق رغم أنفك … !!
من أجل هذا أقول كثيراً إن الناس الذين الله يحبهم يرسل إليهم دعوة
اهتدى إقترب ، من ربنا
توب
كان نفسي أجيله ماشي
وهو مشغول بالمال ،مشغول بالشهوات ،مشغول بالمعاصى ،مشغول بدنيا
مشغول عن الله
فالله جل جلاله يبتليه ليأتى به رغم أنفه ..
فيضطر يقول :
يارب
ويمشى فى الطريق الذي كان ربنا بيدعوه إليها ,
كان نفسي أجيله ماشي
ولذلك فبما اننا فى مدرسة الحياة
سوف نقول القصة الذي تكلمنا عنها كثيراً
ولكن نقولها مرة أخرى لأنها من مدرسة الحياة
قلت قبل هذا إن أحد الشباب كان فى كلية تجارة
ولد طيب مؤدب
وهو فى سنين الكلية كان ما شاء الله عليه فى الدعوة
كانت ماشاء الله لحيته كبيرة,
نشاط فى الدعوة ،فى المدرجات يعطى كلمة ,
ويكتب قبل دخول الدكتور على السبورة كلمة,
نشاط
طلب علم وسعى وجهد
تخرج ولم يدخل الجيش _يبدوا أنه كان وحيد والديه أو لا ادرى_ المهم أنه لم يدخل الجيش
وبدا يبحث عن عمل
فاتت سنة واتنين,
عائلته من العائلات الكبيرة فى القاهرة عندهم معارض سيارات,
فعرضوا عليه يشتغل فى معرض سيارات
طبعا عرضت عليه بنوك …..
شركات ربا ..
ذهب و اشتغل فى معرض السيارات
طبعا فى البداية بدأ يتنازل عن التزامه خطوة خطوة
وبعد قليل
الفتن !!
ومعارض السيارات الى بيدخلها !!
مين؟؟!!
طريقة التعامل مع النساء والتعامل مع الكبار
والسجائر حوله
بدأ من نفسه من غير ما حد يقول له شيء… يقصر لحيته قليلاً
بدا يستحل ما كان يراه حراما ,
لحيته خفت أيضاً قليلاً ,
النظر للنساء والتعامل مع النساء والمكالمات فى التليفون للنساء والصحوبيات
ونحن فى كل هذا معه
يابنى انتى رايح فين؟؟؟؟؟؟؟!!
هتروح فى داهية كدة !!هتضيع نفسك!!
يقول لالا يا شيخ اللى زيى ميضعش
أنا عارف كويس
بدا يخوض فى امر النساء و……………
أنت ضعت!!!
كان نفسي أجيله ماشي
قال لا مضعتش …
هما سنتين أكوِّن نفسى وأعملى معرض, اعتبرنى مسافر سنتين
وانا راجع لربنا لأنى أنا عارف ان اللى أنا فيه غلط …
كثيرون من الناس يغرهم أنه عارفه ان الى هو فيه غلط! وأنه ناوى يتوب منه!
فيغتر ويتلهى بهذا الامر
كتير من الناس جدااااا
لما تقول له عيوبك يقول عارف عيوبي كويس
لما تقول له قول ذنوبك عارف ذنوبه كويس
تخرج منها ازاى ؟؟؟ عارف ازاى يخرج منها
عارف كويس جداااا ازاى يتعظ ويبطل ذنوب ويبقى كويس
بس لا يقوم بعمل شيء!!
يفضل مغرور جدا بهذا الأمر!
مغرور إنه هو عارف أن ده غلط!
يقول يارب سامحنى واصبر عليه وانا هبقى كويس
ولكن
إن ربك لسريع العقاب وإنه لغفور رحيم
هو غفور رحيم …. وسريع العقاب …
لانه ليس بهواك !
لانه لا ينفع .مش هنلعب
مش لعبة هى
ده ربك عزيز
عزيز لا يغالى
قوى لا يحتاج لأحد
الشــــاهد
عدوا السنتين وفوجئت أن أمه بتتصل بيه
الحق! ده فلان فى حميات العباسية
خير ؟!ايه الى حصل؟؟!!!!!!!
قالتلى جاله إيدز
إيدز!!!!!!!!!
روحتله .بصلى
وإنتم عارفين مريض الايدز لما الناس تعرف إنه عنده ايدز بيبقى شكله وحش أوى ..
خزى
الناس كلها بتهرب منه!
لقيت عينه المكسورة
قال الجملة المشهورة
كان نفسى أجيله ماشى
جابنى على وشى …
كان نفسى أرجعله بإرادتى
جابنى رغم أنفى
كان نفسى أرجع على رجليه
رجعتله على ظهرى
ومــــــــات الرجل
كان نفسي أجيله ماشي
اسأل الله ان يرحمه رحمة واسعة
ارجو ان يكون تاب قبل ما يموت
بـــــس!!
كان نفسي أجيله ماشي
الخطــــــــــــــــــــــــــــر!!
هناك فرق بين من ياتيه مطيعا راغبا محبا وبين من يأتيه رغم انفه
فى فرق بين الى بيرجع لربنا وهو مريد محب ومقبل
من أجل هذا الرسول صلى الله عليه وسلم يقول
(خير النفقة أن تُنفق وأنت صحيح شحيح تخشى الفقر وتأمن الغنى )في رواية لمسلم
يقول الله (يا بن ادم أنّى تعجزنى وقد خلقتك بمثل هذه حتى اذا بلغ التراقى قلت اتصدق !وأنّى أوان الصدقة !.
رواه ابن ماجه
هى هذه مدرسة الحيـــــــــــــــاة
