كلمات شيلة حزة لقانا

حزة لقانا علي الشاطي بليله ربوع
والله لنموت ما حنا بناسينها
في شوفة اللي على شوفي تهل الدموع
اللي تمنى يديني تلمس ايدينها
يوم اقبلت كنها صفراء تهد الجموع
في مشيها وفي تبخترها وفي زينها
اتغير والخيل خلف ولا تحرى الفزوع
تبي تناحيهم ولا هم مناحينها
لافاعت الخيل قال الشيخ للي يفوع
اصيله مثلها ما انتم بلاقينها
في مربط الشيخ يحرسها سيوف ودروع
ولو ماتوا اهل الثمن ماهم بشارينها
يوم اجلست واهرجت وارخيت معها السموع
وقامت تدور المشاعر بيني وبينها
شفت الوفاء والكلام الزين من كل نوع
ولو ما تقول الكلام اقراه بعيونها
قلت لك في القلب شمعه غير كل الشموع
بوصلك تشبينها وبعدك تطفينها
والنفس من حبك لشوفتك دايم تجوع
وبمرك تعشينها وامرك تغدينها
لاتقطعيني وانا والله ماني قطوع
ولاحدا بقاطعك عن اشياء تمنينها
وانا ادري اني لو ابا غيب عنها سبوع
من شافها قال هذي يالله تعينها
ودعتها والمواتر عن باب الطلوع
لكزس ومرسيدي والخدام مالينها
معها الخدم والحشم تحت الاوامر ركوع
اللي على يسارها واللي علي ايمينها
لا صار ابوها الامير وربعها اطيب ربوع
في عيونها الحاشيه ماهم مكفينها
يا بنت اميرا شداده ما لمسه اي كوع
حاميه والناس ثايرت شيطانيها
اليا تقدم بقومه ما يعرف الرجوع
قبايل تبعه ودينه علي دينها
من كثر ما ياصلون ومن طلوع لطلوع
ما باقي الا النجوم اقول جايينها