ارحب تراحيب المطر عند مغليك
ياللي علي رجواك عايش سنيني
الله عطاك الزين والزين مطغيك
كن البشر لاجات جنبك تشيني
طيفك معي دايم ولا غاب طاريك
من عقب شفتك عشت عمري حزيني
اي بالله احبك وقلبي يراعيك
القلب قاسي مير لاجلك يليني
اكذب عليك ان قلت والله مابيك
مافيه غيرك يالغلا محتويني
كم ليله سقت القدم في حراويك
علي بروق الشوق يمكن تجيني
ويوم انتبهت وبيح الوقت خافيك
عذبت نفسي وانت ما تلد فيني
وشلون حبل الوصل تقطعه بيديك
وانا متجود فيه فترت يديني
وشلون تتركني وتعلن تجافيك
النوم بعدك ما سكن موق عيني
جازيتني بالهجر والله يجازيك
حسبي على اللي غيرك يا ظنيني
خيبت ظني خيب الله مساعيك
مالي جدا يكود جر الونيني
اسمع كلامي زين وانصت با ذانيك
والله ما ارجي واحدا ما يبيني
الوسومكلمات شيلة بروق الشوق
عن دليلي
