كلمات شيلة استرجع الذكرى

دام القدر للادامي دايم يصيب
الموت ما جنب عن ارقاب وارقاب
رحمتك ياربي هي اكبر مكاسيب
يوم اسمع خطاهم بعد هلو تراب
ما كنت اظن الراس من بدري يشيب
وانا شبابي بالعمر ما بعد غاب
اطرد سراب كل ما جيته يغيب
لاهي ولا حسبت لايامي حساب
لا وهني من لايعرف الاصاعيب
في وسط مهده ما فتح للشقا باب
استرجع الذكري واجاري المكاتيب
بدنيا تزول بكل شيئا بها طاب
وقمت اتخيل وش يبي حظي يجيب
عسى الرجاء تاليه بالظن ما خاب
دام القدر للادمي دايم يصيب
الموت ما جنب عن ارقاب وارقاب
بالقبر لو ناديت ما القي من يجيب
لاجاء سؤال الحق والفالح ان صاب
من دون لطفك موقفي يالله صعيب
في يوم ما ينفع لي اقراب واصحاب
من طابت اعماله يبي يفوز ويطيب
والذنب فك وشين الاعمال له ناب
ليا لفوا بيتي قريبين وصحيب
يدعون لي رحمة عسى الدعوه تجاب
وانا في ظلمة قبر باقصى الغياهيب
ياما بها ينسون الاحباب الاحباب
ياموت مالي عنك من عني ينيب
في ساعتك لاجيت ماعنك مجناب
ومن القبر مالي رجوع ولا نيب
قادر على التبديل بحسابي حساب