كلمات شيلة ماله شبيه كلمات خلف الغريقان

ياسامع الي لا بكا في دعاته
اجبر عزا قلبً غدا اليوم نصين
الي فقد له غاليً في حياته
وشلون يصبر لافقد ناس غالين
في طيبته في رقته في حلاته
ماله شيبهً بينهم كامل الزين
تعامله فارق وتفرق صفاته
الله عطاه من الحلا زينً ودين
ليت المرض رجال واخذ حياته
من قبل لا ياتيه يذبح بسكين
من عقب فارقته وذاعو وفاته
الكون في عيني غدا اسود وشين
الدمع من عيني تزيد اعبراته
والحزن هاجمني من يسار ويمين
والله ثم والله مالحق جزاته
ولاعيش عمري مالحقت اخر الدين
وشلون اعيش وداخلي ذكرياته
وكل لحضه عابره مرت العين
والله ما القئ الي يسوي سواته
ولحدً معوضني على عشرة سنين
ياويل قلبي احسن الله عزاته
والله يصبر خافقي حينً وحين
من كبرمنزلته وقوة غلاته
حلفت انا وقسمت من عقبه ايمين
البيض من عقبه ولحظه مماته
والله لحرمهن ولوهن ملايين