يا راعي الكيف لاسويت فنجاله
احرص على صبته للكيف نقادي
ثم قدمه للكريم وعمدة الحاله
يستاهله من يمينك يابن الأجوادي
شيخ المراجل سعود المزح يزهاله
دايم محله يشابه صبح الأعيادي
للضيف يضحك ودايم منشرح باله
فيه التواضع طبيعه شي معتادي
أنشهد انه بعيني فوق منزاله
في راس قمة جبل ماينزل الوادي
وانا أشهد انه فخر ربعه هل الطاله
شيخ لكل الخلايق عون وإسنادي
لاكبرت المشكلة بأمر الله لحاله
يحلها لو بها أديان وأعيادي
