فى يوم من الأيام أنا أتعرفت على بنت من عالم الشات وطلعت البنت جميلة وعندها أخلاق عالية ومحترمة خالص ومتدينة كمان وفرحت بيها وبمعرفتها وفضلت أكلمها كل يوم لغاية ما حبتها وهيا كمان حبتنى وفضلنا نحب بعض كتير أوى لغاية ما جه يوم وطلبت منها أقابلها ولقتها بترفض وبتقولى كفاية نكلم بعض إيميل وبس قولتلها وليه منتقابلش ونشوف بعض مش يمكن يحصل قبول أكتر وتكونى أنتى نصيبى ومكتوبى ونكون لبعض علطول فكان ردها بلاش تشوفنى خايفة تشوفنى تخسرنى أنا شكلى مش حلو مش هعجبك خلينا أسمع الكلام نتكلم إيميل وبس علطول ونحب فى بعض أحسن ما نخسر بعض ومن بعد الكلمتين اللى قالتهم دول وأنا قررت أبعد عنها بالتتدريج وهيا كمان حبها ليا بقا فى النازل لغاية ما فى يوم قررنا سوا نسيب بعض ومع مرور الوقت نستها وفى يوم دخلت عالم الشات من تانى وبالصدفة شوفتها قدامى بتكلم شباب كتيرة أوى وحزنت أوى وأستغربت أوى أينعم خلاص مبقاش فى حاجة بينا بس دى أخلاقها عالية أوى وميصحش تعمل كده فجتلى فكرة أخرج من الشات وأغير أسمى ودخلت بأسم تانى وكلمتها من غير ما تعرف أنى أنا الحب الأولانى وأتكلمنا كتير وفجأة طلبت منى طلب صدمنى أشحنلى رصيد وأخليك تشوفنى كاميرا ولقيت نفسى بشحنلها فعلا رصيد وعملت كده علشان كان نفسى أشوفها وعملت إيميل جديد فى السريع علشان أكلمها عليه وشوفتها كاميرا وطلعت البنت اللى على الكاميرا راجل وبيطلعلى لسانة وأتعمل فيا مقلب وطلعت فى الأخر كنت بحب راجل .
بقلم : عاشق فن إرتواء العقل
خالد نور الدين
